ადმინისტრაციულ ერთეულებში მერების წარმომადგენლებთან შეხვედრა გაიმართა
გურიაში სახელმწიფო რწმუნებულის მოადგილეები, ადგილობრივი თვითმმართველობის ხელმძღვანელ პირებთან და არასამთავრობო ორგანიზაცია ,,ახალგაზრდა პედაგოგთა კავშირი“-ს წარმომადგენელთან ერთად სამივე მუნიციპალიტეტის ადმინისტრაციულ ერთეულებში მერების წარმომადგენლებს შეხვდნენ.
შეხვედრაზე მათ ახალი პროექტის შესახებ მიეწოდათ ინფორმაცია, რომელიც დასაქმებისა და სწავლის შესაძლებლობას აძლევს რეგიონის მცხოვრებლებს; პროექტის მიზანია: შექმნას დასაქმების ახალი შესაძლებლობები სამუშაოს მაძიებლებისთვის ბაზრის მოთხოვნის შესაბამისი უნარების განვითარებისა და დამსაქმებელსა და პოტენციური დასაქმებულის ერთმანეთთან დაკავშირების მექანიზმებით;
პროექტები ხორციელდება ევროკავშირის ფინანსური მხარდაჭერით ,,განათლება დასაქმებისთვის" (Skills4jobs) პროგრამის ფარგლებში, საქართველოს სტრატეგიული კვლევებისა და განვითარების ცენტრის (CSRDG), საქართველოს გაეროს ასოციაციისა (UNAG) და საქართველოს ღია საზოგადოების ფონდის (OSGF) ორგანიზებით.
