სახელმწიფო რწმუნებულის მოადგილე ჭადრაკის მუნიციპალური ჩემპიონატის ფინალს დაესწრო
ოზურგეთის საჭადრაკო კლუბში 2021 წლის მუნიციპალური ჩემპიონატის ფინალი გაიმართა, რომელსაც სახელმწიფო რწმუნებულის მოადგილე ლანჩხუთის, ოზურგეთისა და ჩოხატაურის მუნიციპალიტეტებში ზაზა შოშიტაიშვილი ოზურგეთის მუნიციპალიტეტის ადგილობრივი თვითმმართველობის წარმომადგენლებთან ერთად დაესწრო.
ტურნირის პრიზიორები გახდნენ: I ადგილი - თენგიზ თოიძე, II ადგილი - გივი სიამაშვილი, III ადგილი - გიორგი გოგოლაური, IV ადგილი - ნიკოლოზ ბარამიძე, რომლებიც მედლებით, დიპლომებითა და ფასიანი საჩუქრებით დაჯილდოვდნენ. ჩემპიონატში მონაწილეობას 12 გამორჩეული მოჭადრაკე იღებდა, ასპარეზობა წრიული სისტემით მიმდინარეობდა და მასში სხვადასხვა ასაკის ტიტულოვანი სპორტსმენები იღებდნენ მონაწილეობას; აღნიშნული ღონისძიება გახლდათ შესარჩევი ტური გურიის ჩემპიონატისთვის, რომელშიც ოზურგეთიდან 4 მოჭადრაკე იასპარეზებს.
ჩემპიონატის ორგანიზატორები გურიის ჭადრაკის ფედერაცია და ააიპ ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანება გახლდათ.
