,, ოზურგეთის მუნიციპალიტეტში ინფრასტრუქტურული სამუშაოები აქტიურ ფაზაშია. მიმდინარეობს გზების, ხიდების და წყლის სისტემების მშენებლობა. დაბა ურეკში დასრულდა ბულვარის კეთილმოწყობა. აღნიშნული პროექტები ადგილობრივი და სახელმწიფო ბიუჯეტის დაფინანსებით ხორციელდება,“- განაცხადა სახელმწიფო რწმუნებულმა გიორგი ურუშაძემ.

 

ოზურგეთის მუნიციპალიტეტში მიმდინარეობს:

 

 სოფელ ლიხაურის წყლის სისტემის მოწყობა - პროექტის ღირებულება - 493 869.ლარი - პროექტი ფინანსდება სახელმწიფო და ადგილობრივი ბიუჯეტიდან.

სოფელ სილაურში, მდ.რობაზე ხიდის სამშენებლო სამუშაოები - პროექტის ღირებულება - 428 342.77 ლარი - პროექტი ფინანსდება სახელმწიფო ბიუჯეტიდან. სოფელი დვაბზუში შიდა სასოფლო გზების სარეაბილიტაციო სამუშაოები - პროექტის ღირებულება - 590 467 ლარი - პროექტი ფინანსდება სახელმწიფო და ადგილობრივი ბიუჯეტიდან.

ქალაქ ოზურგეთში, ანასეულში შიდა გზის სარეაბილიტაციო სამუშაოები -პროექტის ღირებულება - 969 872.98 ლარი -- პროექტი ფინანსდება სახელმწიფო და ადგილობრივი ბიუჯეტიდან.

 

დასრულდა:

 

 სოფელ ვაკიჯვარში, მდ. ნატანებზე ახალი სახიდე გადასასვლელის მოწყობის სამუშაოები - პროექტის ღირებულება - 1 010 052.41 ლარი პროექტი დაფინანსდა სახელმწიფო ბიუჯეტიდან.

 დაბა ურეკში, ბულვარის მშენებლობა - პროექტის ღირებულება - 3 176 919 ლარი - პროექტი დაფინანსდა მუნიციპალური განვითარების ფონდის მიერ